ಹಾಸನ : ಅತ್ಯಾಧುನಿಕ ಯಂತ್ರೋಪಕರಣಗಳು ಮತ್ತು ತಂತ್ರಜ್ಞಾನವನ್ನು ಬಳಸಿಕೊಂಡು ಮುಂದಿನ ದಿನಗಳಲ್ಲಿ  ಹೆಚ್ಚು ಹಾಲನ್ನು ಉತ್ಪಾದಿಸುವ ಯೋಜನೆಯನ್ನು ದೇಶದ ಪ್ರತಿಷ್ಠಿತ  ಹಾಲು ಉತ್ಪಾದನಾ ಘಟಕ ನಂದಿನಿ ತಯಾರು ಮಾಡಿಕೊಂಡಿದೆ.

167 ಕೋಟಿ ರೂಪಾಯಿ ವೆಚ್ಚದ ಮೌಲ್ಯದಲ್ಲಿ ಈ ಘಟಕವು ಸಿದ್ಧವಾಗಿದೆ. ಅಕ್ಟೋಬರ್ ತಿಂಗಳಿನಿಂದ ಕಾರ್ಯಾರಂಭ ಮಾಡಲಿದ್ದು, ಪ್ರಸ್ತುತ ಪ್ರಾಯೋಗಿಕ ಚಾಲನೆ ನೀಡಲಾಗಿದೆ.

ಈ ಯೋಜನೆಗೆ ಕಳೆದ ವರ್ಷವೇ ಚಾಲನೆ ದೊರೆಯಬೇಕಿತ್ತು, ಆದರೆ ಕೊರೋನ ಹೆಮ್ಮಾರಿ ದೇಶವನ್ನೇ ಆಕ್ರಮಿಸಿದ ಕಾರಣ ಚಾಲನೆ ದೊರೆತಿರಲಿಲ್ಲ. ಇದೀಗ ಸಕಲ ಸಿದ್ಧತೆಗಳು ನಡೆದಿದ್ದು ಮುಂದಿನ ತಿಂಗಳಿನಿಂದ ಕಾರ್ಯಾರಂಭ ಆಗಲಿದೆ. ಪ್ರತೀ ಗಂಟೆಗೆ ಮೂವತ್ತು ಸಾವಿರ ಬಾಟಲ್​ನಂತೆ ದಿನಕ್ಕೆ 5 ಲಕ್ಷದ 40 ಸಾವಿರ ಬಾಟಲ್ ಹಾಲು ತಯಾರಾಗಲಿದೆ. ಬಾದಾಮ್ ಮಿಲ್ಕ್, ಪಿಸ್ತಾ, ಸ್ಟ್ರಾಬೆರಿ, ವೆನಿಲ್ಲಾ, ಕಾರಾಮೆಲ್, ಬನಾನ, ಮ್ಯಾಂಗೋ, ಪೆಪ್ಪರ್, ಚಾಕೋ, ಕೇಸರ್, ಸೋಯಾ ಹೀಗೆ ಹತ್ತಾರು ಫ್ಲೇವರ್​ಗಳಲ್ಲಿ ಸುವಾಸಿತ ಹಾಲು ಉತ್ಪಾದನೆಯಾಗಿ ಬಾಟಲ್ ಸೇರಲಿದೆ. ಹೊಸ ಆವಿಷ್ಕಾರಗಳೊಂದಿಗೆ ಉತ್ತಮ ಪ್ರಗತಿ ಹೊಂದಿ ಹೈನುಗಾರಿಕೆ ನಂಬಿರುವ ರೈತರಿಗೆ ಪೂರಕವಾಗುವ ಬೆಲೆ ಸಿಕ್ಕರೆ ರೈತನ ಜೀವನ ಕೂಡ ಪ್ರಗತಿಯಾಗುತ್ತದೆ. 

ಈ ಘಟಕದಿಂದ ಬಂದ ಲಾಭವನ್ನು ಯಾವುದಾದರೂ ರೂಪದಲ್ಲಿ ರೈತರಿಗೆ ಸಿಗುವಂತೆ ಮಾಡಲಾಗುತ್ತದೆ ,ರೈತರ ಜೀವನವನ್ನು ಇನ್ನಷ್ಟು ಉತ್ತೇಜನ ಗೊಳಿಸಲಾಗುತ್ತದೆ ಎಂದು ಘಟಕದ ವತಿಯಿಂದ ತಿಳಿಸಲಾಗಿದೆ.