ಕಡವೆ ಬೇಟೆಯಾಡಿ ಸಾಗಿಸುವಾಗ ಅರಣ್ಯಾಧಿಕಾರಿಗಳ ದಾಳಿ : ವಾಹನ ವಶಕ್ಕೆ

ಚಿಕ್ಕಮಗಳೂರು : ಕೊಪ್ಪದಲ್ಲಿ  ಕಡವೆ ಭೇಟೆಯಲ್ಲಿ ತೊಡಗಿದ್ದ  ಬೇಟೆಗಾರರ  ಬೆನ್ನು ಬಿದ್ದ ಕೊಪ್ಪ ವಲಯದ ಅರಣ್ಯಾಧಿಕಾರಿಗಳು ಪ್ರಕರಣ ದಾಖಲಿಸಿ ಕೊಂಡಿದ್ದಾರೆ.

ಕೊಪ್ಪ ಸಮೀಪದ ಹೊಸೂರು ಗ್ರಾಮದ ಕಾಫೀ ತೋಟದಲ್ಲಿ ನಿನ್ನೆ ಅಕ್ರಮವಾಗಿ ಕಡವೆಯೊಂದನ್ನು ಭೇಟೆಯಾಡಲಾಗಿತ್ತು, ಈ ಶಿಕಾರಿ ಸಂಬಂಧ ಖಚಿತ ಮಾಹಿತಿ ಮೇರೆಗೆ ಕಾರ್ಯಾಚರಣೆ ನಡೆಸಿದ ಕೊಪ್ಪ ವಲಯ ಅರಣ್ಯಾಧಿಕಾರಿ ಪ್ರವೀಣ್ ನೇತೃತ್ವದ ತಂಡ ಕಡವೆಯನ್ನು  ಸಾಗಾಟ ಮಾಡುತ್ತಿದ್ದ ವಾಹನವನ್ನು ವಶ ಪಡಿಸಿಕೊಂಡಿದ್ದಾರೆ. ಬೇಟೆಗಾರರು ವಾಹನ ಬಿಟ್ಟು ಸ್ಥಳದಿಂದ ಕಾಲ್ಕಿತ್ತಿದ್ದಾರೆ. 

ಈ ಸಂಬಂಧ ಅಪರಾಧಿಗಳ ಮೇಲೆ ಪೊಲೀಸರು ಕೇಸು ದಾಖಲಿಸಿಕೊಂಡು, ಕಳ್ಳ ಬೇಟೆಯಲ್ಲಿ  ತೊಡಗಿರುವ ಅಪರಾಧಿಗಳ ಮೇಲೆ ಕಠಿಣ ಶಿಕ್ಷೆ ಜರುಗಿಸುವ ಕುರಿತು ಕಾರ್ಯಾಚರಣೆ ಮುಂದುವರೆಸಿದ್ದಾರೆ.