ಕೊರೋನ ಸೋಂಕಿದ್ದರೂ ನಿಯಮಾವಳಿಗಳನ್ನು ಪಾಲಿಸುತ್ತಿಲ್ಲ ಎಂದು ಮೇಯರ್ ವಿರುದ್ಧವೇ ದೂರು ನೀಡಿದ ಸಾರ್ವಜನಿಕರು.

ಶಿವಮೊಗ್ಗ : (ನ್ಯೂಸ್ ಮಲ್ನಾಡ್ ವರದಿ) ಕೊರೋನ ಸೋಂಕಿನ ಕುರಿತಾಗಿ ಅರಿವು ಮೂಡಿಸುವ ಅಧಿಕಾರಿಗಳೇ ಇದರ ವಿರುದ್ಧವಾಗಿ ನಡೆದುಕೊಳ್ಳುತ್ತಿದಾರೆ ಎಂದು ಆರೋಪಿಸಿ ಸಾರ್ವಜನಿಕರು ಪಾಲಿಕೆಯ ಮೇಯರ್ ವಿರುದ್ಧ ದೂರು ನೀಡಿದ ಘಟನೆ ಶಿವಮೊಗ್ಗದಲ್ಲಿ ನಡೆದಿದೆ.

ಶಿವಮೊಗ್ಗದ ಮಹಾನಗರ ಪಾಲಿಕೆಯು ಮೇಯರ್ ಸುನೀತಾ ಅಣ್ಣಪ್ಪ ಅವರು ಕೊರೋನ ಸೋಂಕು ತಗುಲಿದ್ದರೂ ಕೂಡ ಯಾವುದೇ ಮಾರ್ಗಸೂಚಿಗಳನ್ನು ಪಾಲಿಸದೇ ಎಲ್ಲಾ ನಿಯಮಾವಳಿಗಳನ್ನು ಉಲ್ಲಂಘನೆ ಮಾಡಿದ್ದಾರೆ ಎಂದು ಆರೋಪಿಸಿ ಆಮ್ ಆದ್ಮಿ ಪಕ್ಷದ ಕಾರ್ಯಕರ್ತರು ದೂರು ನೀಡಿದ್ದಾರೆ.

ಸೋಂಕು ಧೃಡಪಟ್ಟರೂ ಕೂಡ ಮಹಾನಗರ ಪಾಲಿಕೆ ಮೇಯರ್ ಕ್ವಾರಂಟೈನ್ ಆಗದೇ ಸಾರ್ವಜನಿಕ ಸಭೆ ಸಮಾರಂಭಗಳಲ್ಲಿ ಭಾಗಿಯಾಗಿದ್ದರೆ ಎಂದು ಆಮ್ ಆದ್ಮಿ ಪಕ್ಷದ ಕಾರ್ಯಕರ್ತರು ಹಾಗೂ ಮುಖಂಡರು ದೂರು ನೀಡಿದ್ದಾರೆ.