ಕೊಡಗು ಜಿಲ್ಲೆಯ ತೂಚಮಕೇರಿಯ ಚಿಂಡಮಾಡ ವಿಶು ಎಂಬುವವರ ಹಸುವನ್ನು ಬಲಿ ಪಡೆದಿದ್ದ ಹುಲಿಯು ನಿನ್ನೆ ಇನ್ನೋರ್ವರ ಮನೆಯ ಹಸುವನ್ನು ಕೊಂದಿದೆ. ಘಟನೆಯ ಕುರಿತಾಗಿ ಸ್ಥಳೀಯರು ಹಾಗೂ ಗ್ರಾಮಸ್ಥರು ಸಾಕಷ್ಟು ಆತಂಕ ವ್ಯಕ್ತಪಡಿಸಿದ್ದಾರೆ.
ಹೆಚ್ಚಾಗಿ ಮಲೆನಾಡು ಭಾಗದಲ್ಲಿ ಈ ಸಮಯವು ಕೃಷಿ ಚಟುವಟಿಕೆಗಳಿಂದ ಕೂಡಿದ್ದು ಈ ಸಮಯದಲ್ಲಿ ಮಲೆನಾಡಿಗರು ತೋಟಗಳಲ್ಲಿ ಕೃಷಿ ಸಂಬಂಧಿತ ಕೆಲಸಗಳಲ್ಲಿ ತೊಡಗಿರುತ್ತಾರೆ ಹಾಗೂ ತೋಟದ ಕಾರ್ಮಿಕರು ಕೂಡ ಹೆಚ್ಚಾಗಿ ಈ ಸಮಯದಲ್ಲಿ ತೋಟಗಳಲ್ಲಿ ಕೆಲಸ ಮಾಡುವುದರಿಂದ ಅವರೂ ಕೂಡ ಹೆದರುತ್ತಾರೆ ಎಂದು ಕೆಲ ತೋಟದ ಮಾಲೀಕರು ತಮ್ಮ ಸಮಸ್ಯೆಯನ್ನು ಹೇಳಿಕೊಂಡಿದ್ದಾರೆ.
ಸಂಬಂಧ ಪಟ್ಟ ಅಧಿಕಾರಿಗಳು ಈ ಕುರಿತು ಗಮನಹರಿಸಿ ಮುಂದಿನ ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕೆಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.
0 Comments